திரும்ப பெற முடியாதவைகள் !

திரும்ப பெற முடியாதவைகள் ….

உடலை விட்ட உயிர்

பேசி விட்ட வார்த்தைகள்

கடந்து விட்ட நொடிகள்

கொடுத்து விட்ட இதயம்

இழந்து விட்ட இளமை

உண்மையான நட்பு

நட்பு என்பது நடிப்பு அல்ல,

நம் நாடி துடிப்பு

ஆதலால் நட்பு பாராட்டுவோம் !

தோழா நீ யார் - 2

தோழா நீ யார் - 2

சில நாட்களாக தான் எண்ணிப் பார்க்கிறேன்

சத்தம் இல்லாமல் என் எண்ணத்தில் நுழைந்துவிட்ட என் தோழா

கண்ணைத் திறந்துகொண்டு தேடியபோது வரவில்லை

குருடியாய் துழாவியபோது கூடவே நிற்கிறாய்

தோழா நீ யார் ?

வாசல் வழியே நட்பு வருமா என பார்த்திருக்கும்போது

ஜன்னல் வழியே நுழைந்து குறும்புடன் என் தலை கலைத்த

தோழா நீ யார் ?

ஒளியோடு நான் ஜொலித்தபோது காணாமல் போய்விட்டு

வலியோடு துடிக்கும்போது மருந்து இடுகின்ற

தோழா நீ யார் ?

சில நேரம் விரும்ப வைத்தாய் , சில நேரம் வெறுக்க வைத்தாய்

பல நேரம் அழ வைத்தாய் , சில நேரம் சிரிக்க வைத்தாய்

உன் அன்பையும் , ஆத்திரமும் ஒரே முறையில் வெளிப்படுத்தும்

தோழா நீ யார் ?

தொடர்ந்து நான் பேசினாலும் கோபப்பட்டாய் , பேசாமல் விட்டாலும் வாடி நின்றாய்

அடர்ந்த உன் மன காட்டின் ரகசியம் , அறிய விடாமல் கொடுமை செய்தாய்

காரணமே தெரியாமல் என்னை அழ வைத்த

தோழா நீ யார் ?

கடிகாரத்தின் முட்கள் கூட உன்னை போல் வேகமாய் மாறுவதில்லை

பிடிவாதம் காட்டிய மறு நொடியே ,

பாசத்தில் என்னை பிணைத்துக் கொள்ளும்

தோழா நீ யார் ?

தங்கத்தில் செய்த நூல் என்றாலும் , என்

அங்கத்தில் கட்டும்போது  அது சங்கிலிதான்

ஏக்கத்தில் நீ எனக்கு சொந்தமனாலும், என்

தூக்கத்தின் ஆழம் என் இமைகளிடம் தான்

நீ என் மேல் வைத்திருக்கும் அன்பு எனக்கு சுகம் தான்

தீயை நெருங்கிடாமல் என்னை காக்கும் வரம் தான்

ஆனால் …..

ஒரு வேண்டுகோள் தோழா !

உன் நேசத்தைக் கொஞ்சம் குறைத்துக்கொள்வாயா ??

மிகவும் ஆசையாக உள்ளது

நானும் என்னை சற்று

காதலித்துக் கொள்கிறேனே …..

அனுமதிப்பாயா ?????

தோழா நீ யார் ?

தோழா நீ யார் ?

நான் ஜனிக்க உதவிய அன்பு தந்தையாய்

என்னோடு ஒட்டி பிறந்த சுட்டி தமயனாய்

என் புத்தியை கூர் தீட்டிய உயரிய ஆசானாய்

என் ஒவ்வொரு அசைவையும் ரசிக்கும் ரகசிய காதலனாய்

என் தவறுகளை கண்டித்து திருத்தும் செல்ல நன்பனாய்

இவ்வளவு வேடத்தையும் கண கச்சிதமாய் நடிக்கும் நடிகனே ….

தோழா நீ யார் ?

பாசத்தில் மிதக்க வைத்தாய்

நேசத்தில் திகைக்க வைத்தாய்

இன்பத்தை இதயத்தில் உறைய வைத்தாய்

துன்பத்தை தொலைவில் விரட்டி விட்டாய்

புகழில் கை கொடுத்தாய்

இகழில் தோள் கொடுத்தாய்

மொத்தத்தில் … நீ எனக்கு உயிர் கொடுத்தாய்

தோழா நீ யார் ?

ஏழையின் சிரிப்பில் இறைவனை காணலாம்

தோழனே ….

என் இதயத்தில் நிறைந்திருக்கும் உன்னிலும்

இறைவனைக் காணலாம் !!!

செல்லத் தோழியே....

செல்லத் தோழியே....
உன்னை எனக்கு மிகவும் பிடிக்கும்

உன் அறிவு பிடிக்கும்
உன் அன்பு பிடிக்கும்
உன் அழகு மிக பிடிக்கும் ...

உன் சினம் பிடிக்கும்
உன் குணம் பிடிக்கும்
உன் மனம் மிக பிடிக்கும் ...

உன் விளையாட்டு பிடிக்கும்
உன் பாராட்டு பிடிக்கும்
உன் பாட்டு மிக பிடிக்கும் ...

உன் திகைப்பு பிடிக்கும்
உன் சிறப்பு பிடிக்கும்
உன் சிரிப்பு மிக பிடிக்கும் ...

உன் சிந்தை பிடிக்கும்
உன் பேச்சு பிடிக்கும்
உன் தமிழ் மிக பிடிக்கும் ...

உன் வண்ணம் பிடிக்கும்
உன் செல்லம் பிடிக்கும்
உன் உள்ளம் மிக பிடிக்கும் ...

உன் உண்மை பிடிக்கும்
உன் மென்மை பிடிக்கும்
உன் பெண்மை மிக பிடிக்கும் ...

மொத்ததில் உன்னை எனக்கு மிகவும் பிடிக்கிறது ...
என் இதயம் உன் பெயரைச் சொல்லி சொல்லி துடிக்கிறது !!!