ஃப்ரென்சு "மேனிக்யூர்" எவ்வாறு செய்து கொள்வது ?

ஃப்ரென்சு "மேனிக்யூர்" 
எவ்வாறு செய்து கொள்வது ?

ஃப்ரென்சு முறையில் கை மற்றும் நகத்தை எப்படி பராமரிப்பது ?

படி #1

உங்களுக்கு தேவைப்படும் பொருள்கள் :

அடித்தள பூச்சு (அ) முகப்பு பூச்சு

நிறத்திற்கான "வார்னிஷ்"

ஒரு மேல் பூச்சு

வெள்ளை (அ) க்ரீம் "வார்னிஷ்"

நகத்தில் பயன்படும் "வார்னிஷ்" நீக்கி

ஏதேனும் நக கணு (அ) சமையல் எண்ணை

நக கணுவில் பயன்படும் சிறிய குச்சி

ஒரு "எமெரி" அட்டை

சிறிது பஞ்சு

சிறிய அளவு கை மற்றும் நக "மாய்ஸ்ச்சரைசர்"

படி # 2

நேரம் ஒதுக்கி "மேனிக்யூர்" செய்துகொள்ளுங்கள்.

அவசரத்தில் செய்துகொள்ளும் போது, நிலைமை முற்றிலும் விரும்பத்தகாததாக அமையும். போதுமான நேரம் ஒதுக்கி செய்தால், விளைவும் நன்றாக இருக்கும்,  இறுதி வரை நீடிக்கவும் செய்யும்.

படி # 3

நக "வார்னிஷ்" நீக்கி

ஒரு பஞ்சு துண்டால் உங்கள் நகத்தில் உள்ள பழைய நக "வார்னிஷை" ஏதேனும் ஒரு "வார்னிஷ்" நீக்கியால் துடைத்து எடுக்கவும்.


படி # 4

நகக்கணு  எண்ணெய்

நகத்தின் விளிம்பில் சிறிது நகக்கணு எண்ணெய் விட்டு நன்கு மசாஜ் செய்து கொள்ளவும்.

பின்பு சற்று நேரம் எண்ணெய்யை ஊற விட்டால் , உங்கள் நகம் மிருதுவாகி விடும்.

நகக்கணு கிட்டாத பட்சத்தில், ஆலிவ் எண்ணெய் அல்லது சமையல் எண்ணெய்யை பயன்படுத்தலாம்.

படி # 5

நக வடிவம் நன்றாவதற்கு

வார்னிஷ் செய்தாலும் நகத்தின் வடிவம் கோணல் மாணலாக இருந்தால் பயனில்லை, ஆகையால் "எமெரி" பட்டையை கொண்டு நீங்கள் விரும்பும் வடிவம் பெறும் வரை நகத்தை சீராக்குங்கள். நினைவிருக்கட்டும், "எமெரி" பட்டையை மாற்று திசையில் தேய்க்காமல் ஒரே திசையில் தேய்க்க வேண்டும்.

படி # 6

நகக்கணுக்களை பராமரித்தல்

நகத்தின் நுணியில் நம் சருமம் சேரும் பகுதியை தான் நகக்கணு என்கிறோம்.

நகக்கணு நகத்தின் பகுதியே ஆனாலும், அது எண்ணெய் பசையுடன் இருந்தால், நீங்கள் பயன்படுத்தும் "வார்னிஷ்" நகத்தில் அதிக நேரம் நீடிக்காது.

ஆகையால் நகக்கணுவை மென்மையாக வைத்து கொள்ள, 10 - 15 நிமிடங்கள் அதை வெதுவெதுப்பான வெந்நீரில் ஊற வைக்கவும். இதற்கு சிறந்த மாற்று வழி நகக்கணு நீக்கி பயன்படுத்துவது தான். பின்பு உங்கள் கையில் சிறிது "மாய்ஸ்ச்சரைசர்" பயன்படுத்தி, ஒரு 15 நிமிடங்கள் பற்றியிருக்கும் படி படலத்தை வைத்து நகத்தை போர்த்தி விடவும்.

இவ்வாறு செய்வதால், நகக்கணு மிருதுவாகும் மற்றும் ஈரப்பதம் கிடைக்கும்.

கெட்டு போன நகக்கணுக்களை நீக்க "க்யூட்டிகிள்" குச்சியை சிறிய வட்டமாக தேய்த்தால், பழைய நகக்கணுக்கள் நீங்கும்.

இதன் பின்பு, நகக்கணுக்கள் சுத்தமாக மற்றும் பொலிவுடன் காணப்படும்.

படி # 7

கை கழுவுதல்

நகத்தில் அழுக்கு மற்றும் தூசி எதுவும் படிந்து விடாதபடி, நன்கு கழுவி விடவும்.

பின்பு சிறிது வார்னிஷ் நீக்கியை கொண்டு, மீண்டும் நகத்தை சுத்தப்படுத்தவும், இவ்வாறு செய்வதால் எண்ணெய் பதம் நீங்கும்.

படி # 8

நகத்தில் அடிப்படை பூச்சு

பாட்டிலில் விளிம்பில் உள்ள உபரியை நன்கு துடைத்தி எடுத்து விடவும்.

ஜாக்கிரதையாக 2-3 பூச்சுகளை இடவும்.

இவ்வாறு செய்வதால், பழைய வண்ண வார்னிஷ் துகள்கள் நீங்கி,உங்கள் நகத்தை பாதுகாக்கிறது.

படி # 9

நகத்தின் நுணியிற்கான பூச்சு

நுணி நகத்தில் பிங்க், அல்லது வெள்ளை நிற பூச்சுகளை பயன்படுத்தலாம்.

ஆயினும் க்ரீம் நிற பூச்சு வெள்ளையை விட இயற்கையான தோற்றத்தை அளிக்கிறது.

நக முனையை சுற்றி வார்னிஷால் கோடு வரைந்து கொள்ளவும்.

முதலில் வரைந்த கோடு நேர் வடிவமாக அமையவில்லை என்றால், அதை சற்று காய வைத்து விட்டு, மீண்டும் ஒரு முறை நேரான கோடு வரைந்து கொள்ளவும்.

நக வார்னிஷின் அடுத்த பூச்சிற்கு முன், ஏற்கெனவே பூசியது நன்கு காய வேண்டும் என்பது அவசியம்.

கடைகளில் கிடைக்கும் சில வார்னிஷ் பாக்கில், நக நுணியில் பூசிடும் வண்ணம் அமைந்த "ஸ்டிக்கர்" களும் இருக்கும்.

அந்த "ஸ்டிக்கர்களை" பயன்படுத்தினால், நக நுணியின் மீது நேரான கோடு அமைக்க மிகவும் ஏதுவாக இருக்கும்.

நுணி பூச்சு இன்னமும் சரியாக அமைய, கார்ட்போர்ட் அட்டையை டைமண்டு வடிவில் வெட்டி நகத்தில் அதை வைத்து பூசினால், பூச்சு நகத்தை தாண்டி சருமம் மீது படாமல் தடுக்கலாம்.

படி # 10

வண்ணப்பூச்சு

அடுத்து வண்ண நிற வார்னிஷ் பயன்படுத்தவும்.

ப்ருஷ்ஷில் அளவு மிகாமல் பார்த்துக்கொள்ளவும்.

நிறத்தின் அழுத்தம் கூட்ட வேண்டுமென்றால் 2 அல்லது 3 பூச்சுகள் பூசலாம்.

ஆனால் முதல் பூச்சு நன்கு காய்ந்த பிறகு, இரண்டாம் பூச்சை பூசவும்.

ஃப்ரென்சு மேனிக்யூர் முறையில் பிங்க் மற்றும் வெள்ளை நிறம் தான் சிறந்ததாக கருதப்படுகிறது.

படி # 11

நகத்தில் மேல் பூச்சு

மேல் பூச்சு உறுதியானதாகும், மேலும் இது அடிப்படை பூச்சை முழுமையாக காத்து,  நிறத்தையும் பேணுகிறது.

படி # 12

நன்கு காயவிடவும்.

ஃப்ரெஞ்சு மேனிக்யூர் நல்ல பலன் அளிக்க வேண்டும் என்றால், பூச்சு காய்ந்ததா என்று பார்பதற்கு முன் 5 நிமிடங்கள் காத்திருக்கவும்.

பூச்சு காய்ந்துவிட்டதா என அறிந்து கொள்ள, நகத்தின் மீது உங்கள் நாக்கால் லேசாக தடவி பார்க்கவும், வார்னிஷின் சுவை உணர முடிந்தால் இன்னும் அது காயவில்லை என்று பொருள்.

இன்னமும் காயவில்லை என்று தோன்றினால், சிறிது நகக்கணு எண்ணெய் விடவும், இவ்வாறு செய்தால், நீங்கள் அணிந்திருக்கும் உடை மீது பூச்சு ஒட்டாமல் இருக்கும்.

படி # 13

சுத்தப்படுத்துதல்

நகத்தின் வார்னிஷ் அல்லது பூச்சு ஒன்றுக்கொன்று கலந்து விட்டால், ஏற்கெனவே பூசியதை முற்றிலும் நீக்கி சுத்தம் செய்து, மீண்டும் பூச வேண்டும்.

ஆயினும், நகத்தை சுற்றியுள்ள சருமத்தில் பூச்சு ப்டிந்துவிட்டால், சிறிது வார்னிஷை னகத்தை சுற்றிலும் பயன்படுத்தவும்.பின்பு நகக்கணு குச்சியுடன் சிறிது பஞ்சு எடுத்துக்கொண்டு, துடைத்து எடுக்கவும்.

படி # 14

வார்னிஷ் பாட்டிலை பத்திரப்படுத்துதல்

பேப்பர் டிஷ்யுவில் கொஞ்சம் வார்னிஷ் நீக்கியை விட்டுக்கொண்டு, பாட்டிலின் முனையை சுத்தப்படுத்தவும்.

இவ்வாறு செய்தால், அடுத்த முறை பாட்டில் மூடி அழுத்தி மூடிக்கொள்ளாமல் தவிர்க்கலாம்.

கைவீசம்மா கைவீசு !

கைவீசம்மா கைவீசு !

பரிணாம வளர்ச்சி பாதையில் நம் கைகள் தகவல் பரிமாற்றத்திற்கு ஏற்ப வளர்ச்சி அடைந்துள்ளன. நம் வாய்ச்சொற்களை விட நம் கைகள் பேசும் வார்த்தைகள் ஏராளம் என்ற நிலை இப்போது உள்ளது. அதே நேரத்தில், நம் உடலின் பால் நாம் செய்யும் தவறுகளையும், புறக்கணிப்புகளையும் முதலில் வெளிகாட்டுவது நம் கைகளே. நம் தினசரி தகவல் பரிமாற்றத்திற்கு கட்டியம் கூறும் நம் கரங்களை மறைத்து வைப்பது மற்றும், மூப்பின் அடையாளங்களாகிய சுருக்கங்கள், விரிசல்கள் ஆகியவற்றை கவனிக்க தவறுதல் என்பது நம் உடலின் மேன்மையை புறக்கணிப்பதற்கு சமமாகும்.

கைகளின் பாதுகாப்பு :

நம் கைகளை ஆரோக்கியமாகவும், அழகாகவும் வைத்திருக்க சில அறிவுரைகள்:

கைகளில் சுருக்கங்கள் தோன்றாமல் இருக்க அவைகளை ஈரப்பதத்துடன் வைத்திருங்கள்.

வீட்டிற்கு வெளியே வெய்யிலில் செல்லவேண்டியிருந்தால், தவறாமல் "ஸன்ஸ்க்ரீன் லோஷனை"  கையிலும், முன்னங்கையிலும் தடவிக்கொண்டு செல்ல மறந்துவிடாதீர்கள்.

தோட்ட வேலை, சுத்தபடுத்தும் பணி போன்ற காரியங்களில் ஈடுபடும்போது, கையின் தோல் உறிவதோ, நகங்களின் மீது பாதிப்போ ஏற்படும் வாய்ப்பு உள்ளதால், கை உறை அணிந்து கொண்டு பணியை மேற்கொள்ளுங்கள்.

எப்போதும் ஈரத்தில் பணிபுரியும் பட்சத்தில், ஈரமான கையை நன்கு ஈரம் காய துடைத்துவிடுவது நல்லது, ஏனென்றால், ஈரமான கையின் நக இடுக்கில் புஞ்சை தொற்றிக்கொள்ள வாய்ப்பு உள்ளது.

கைகளை தளர்வாகவும், ஆரோக்கியத்துடனும் வைத்துகொள்ள, மாதமிரு முறை அவைகளை நன்கு பராமரிக்கவும்.

அதிகபடியான வெப்பமோ, குளிர்ச்சியோ கைகளை தாக்காமல் அவைகளை உலர்வாக வைத்திருங்கள்.

தினமும் இருமுறை கைகளில், "மாய்ஸ்சரைசர்" அல்லது "ஹாண்ட் க்ரீம்" தடவி கொள்ளுங்கள்.

கணிப்பொறியின் "கீ போர்டு" மற்றும் செல்போனின் "பட்டன்" அதிக அளவு பயன்படுத்தும் போது கைகளின் மீது அழுத்தமோ, காயமோ ஏற்படலாம், ஆகையால், அவ்வாறு செய்வதை தவிர்க்கவும்.

அவ்வாறு அழுத்தமோ, காயமோ ஏற்பட்டால், உங்கள் கைகளுக்கு போதுமான அளவு ஒய்வு கொடுத்து, அவ்வாறான பாதிப்பிலிருந்து கைகளை பாதுகாக்க வேண்டும்.

ஃபேஷியல் (அ) முகப்பூச்சு

  

ஃபேஷியல் (அ) முகப்பூச்சு

நம் புற சருமம், நம் அக ஆரோக்கியம் மற்றும் நலத்திற்கு கட்டியம் கூறுகிறது. சரியான ஆகாரம், சிறிது உடற்பயிற்சி, மற்றும் அளவான அழகூட்டல் நம் தோற்றத்திற்கும், நம் மனதில் தோன்றும் உற்சாகத்திற்கும் காரணமாக அமைகிறது.

நம் சருமம் நமக்கு இரு வகைகளில் உதவி புரிகிறது. ஒன்று பாதுகாப்பு (அந்நிய நச்சு கிருமி மற்றும் நோயிலிருந்து) மற்றொன்று பெயர்ச்சி (உடலில் உள்ள நச்சுக்களை வெளியேற்றல்). இவ்விரண்டு செயல்களின் பாதிப்பினால் சருமம் சோர்ந்துவிடக்கூடும். இது போன்ற தருணங்களில் வழக்கமாக மேற்கொள்ளும் அழகியல் பராமரிப்புகளை தாண்டி சற்று பிரத்யேக கவனம் நம் சருமம் எதிர்பார்க்கிறது.

ஃபேஷியல் எனப்படும் முகப்பூச்சு இது போன்ற தருணங்களில் சரும பாதுகாப்பிற்கு வரப்பிரசாதமாக விளங்குகிறது. நம் சருமத்தின் துவாரங்களை சுத்தபடுத்தி, சருமதிற்கு தேவையான சத்துக்களை சேர்க்க இது வெகுவாக உதவுகின்றது. ஃபேஷியல் மூலம் சரும துவாரங்கள் சுத்தமாகி, அசுத்த அணுக்கள் நீங்கி ,தூய்மையான தோற்றதிற்கு வழிவகுத்து, நம் பொலிவை கூட்டுகிறது. ஆதலால் தான் உடல் மசாஜ்க்கு பிறகு ஃபேஷியல் சருமதிற்கான ஒரு சிகிச்சையாக கருதப்படுகின்றது. அசுத்தங்களை நீக்குவதால் இது "டீப் க்ளென்ஸிங் ஃபேஷியல்" மற்றும் "டீப் போர் க்ளென்ஸிங்" என்று இருவகையாகவும் கூறப்படுகின்றது.

ஃபேஷியலின் நன்மைகள் என்ன ?

உடல் ரீதியாகவும், மன ரீதியாகவும் ஃபேஷியல் மிகவும் பயனுள்ளது என்று ஆராய்ச்சிகள் தெரிவிக்கின்றன. வெய்யிலினால் ஏற்படும் சரும பாதிப்புகள், சருமத்தின் அழுகிய அணுக்கள், முகசுருக்கங்கள், சருமத்தில் மூப்பின் சுவடுகள்,முகத்தில் தோன்றும் தேமல்கள் இவை அனைத்தையும் போக்க ஃபேஷியல் ஒரு சிறந்த சிகிச்சை ஆகும் என கூறினாலும் மிகையாகாது.

25 வயது தொடங்கும் பொழுது சருமத்தில் வயதின் பாதிப்புகள் தோன்ற தொடங்குகின்றன. ஆக இதுவே ஃபேஷியலை தொடங்க சரியான வயது எனலாம். மும்பையை சேர்ந்த பிரபல தோல் மருத்துவர் டாக்டர் அப்ரதிம் கொயெல் அவ்வப்போது செய்யும் ஃபேஷியலால் நாம் உபயோகப்படுத்தும் "ஆன்ட்டி-ஏஜிங்" பொருள்கள் நம் சருமத்தில் ஊடுருவி நல்ல பலனை தர உதவுகிறது என்று கூறுகிறார்.

இந்திய அழகு கலையின் முன்னோடி மற்றும் ஃபேஷியலில் ஜாம்பவானான "ஷாஹ்னாஸ் ஹூஸைன்" கூறுவதாவது, ஃபேஷியல் சருமத்தின், எண்ணெய் பசையை பராமரிப்பது மட்டும் அல்லாமல், அதில் அமிலம்-காரத்தின் அளவை செவ்வனே கட்டுப்படுத்துகிறது. 30 வயதிற்கு பிறகு மாதம் ஒரு முறை ஃபேஷியல் செய்கையில், மூப்பு சுவடுகளை நீக்கி, சரும தசைகளை வலுவாகி மிகவும் பொலிவுடன் தோன்ற உதவுகிறது என்பது அவர் கருத்து.

ஒவ்வொரு ஃபேஷியலும் எளிய வழிமுறைகளை பின்பற்றுகிறது. அவை ஒவ்வொன்றுக்கும் ஒவ்வொரு பலன் உண்டு.

டீப் க்ளென்ஸிங் மற்றும் டோனிங் : க்ளென்ஸிங் என்ற சுத்தபடுத்தும் திரவத்தால், முகத்தை சுத்தபடுத்தும் பொழுது, உடனே முகம் அழுக்குகள் நீங்கி, புத்துணர்ச்சி பெறுகின்றது.இது நன்றாக சருமத்தின் ஆழத்தில் ஊடுருவதால் சருமத்தின் ரத்தஓட்டம் சீராக்கபட்டு, மாசுக்களையும், அழுக்குகளையும் உடனே நீங்க செய்கிறது. இதே நேரம் டோனிங் மூலம் புதிய சரும அணுக்கள் உருவாகி முகத்திற்கு உறுதியும், நெகிழ்வும் அளிக்கப்படுகிறது.

சருமத்தின் ஆய்வு : சரும வல்லுநர் பிரகாசமான உருபெருக்கி ஒளியின் (மேக்னிஃப்யிங் டார்ச்) மூலமாக உங்கள் சருமத்தை ஆராய்ந்து அதில் உள்ள நிறை குறைகளை கண்டறிகிறார்.

வெளியேற்றல் : தாங்கள் விரும்பும் ஃபேஷியல் முறையை பொறுத்து, வெளியேற்றும் சாதனம் வேறுபடுகிறது. சருமம் நன்றாக சுவாசிக்கவேண்டி, "ஆன்ட்டி-ஆக்ஸிடெண்ட்" என்ற பொருளால், அழுக்குகள், அழுகிய சரும அணுக்கள் ஆகியவை நீக்கப்படுகின்றன. இவ்வாறு செய்கையில், பழைய அழுக்குகள் நீங்கி புது பொலிவும், புத்துணர்வும் சருமத்திற்கு கிடைக்கிறது.இ ந்த முறையால் அடைபட்ட துவாரங்களை சுத்தபடுத்தி, சருமம் எந்த பாதிப்புக்கும் ஆளாகாமல், பொலிவு பெற ஏதுவாகிறது.

மசாஜ் : ஃபேஷியலின் சுகமான ஒரு பகுதி மசாஜ் ஆகும். ஒரு லயதிற்குட்பட்டு முகத்தில் புரியும் அழுத்தங்களினால் முக தசைகள் இறுக்கம் தளர்ந்து லேசாகின்றன. இதனால் ரத்த ஓட்டம் அதிகரித்து, சருமத்திலிருந்து கழிவுகளை வெளியேற்றி, முகத்தில் சுருக்கங்கள் தோன்றாமல் பேணப்படுகின்றது.

ஃபேஸ் மாஸ்க் : வெள்ளையாக்க, உறுதியாக்க, விட்டமின் சி நிறைந்த பல மாஸ்குகள் கிடைக்கின்றன. முகத்தின் உபரி எண்ணெய் நீங்க, துவாரங்கள் இறுக்கமாக, சருமத்தில் ஈரப்பதம் சேர்க்க என மாஸ்குகள் பல விதத்தில் பயன்படுகின்றன. மூலிகை மாஸ்குகளும் புதிய சரும அணுக்கள் உற்பத்திக்கு பெரும் உதவி செய்கின்றன.

உங்கள் அழகியல் அட்டவனையை நீங்களே தேர்ந்தெடுங்கள் :

உங்கள் சருமத்திற்க்கு அதிகபட்ச பலனை தரும் ஃபேஷியலை தேர்ந்தெடுப்பது மிக அவசியமாகும்.

உணர்ச்சியுள்ள மற்றும் அதிக பருக்கள் உள்ள முகத்திற்கு : இது போன்ற முகத்திற்கு ஃபேஷியல் உகந்தது அல்ல, எண்ணெய் பசை உள்ள முகம், உணர்ச்சி மிகுந்த சருமம், பருக்கள் அதிகம் காணப்படும் முகம், மற்றும் "ரோஸாஷியா" போன்ற சரும நிலையை பெற்றவர்கள் ஃபேஷியலை தவிர்த்து முகத்தை நன்கு கழுவி சுத்தபடுத்தினாலே போதுமானது என்கிறார் டெல்லியை சேர்ந்த சரும வல்லுநர் டாக்டர் சாருலதா போஸ்.

சாதாரண மற்றும் எண்ணெய் சருமம் : அழகியல் நிபுணர் ஹூஸைன் அவர்களின் கருத்துப்படி, அடிப்படையான பழசாறு ஃபேஷியல் அல்லது ஆக்சிஜன் ஃபேஷியல் முறை உங்களுக்கு பொருந்தும். அடிப்படை சுத்தபடுத்தல் மற்றும் டோனிங் இம்முறையில் சாத்தியமாகும்.

உலர்ந்த சருமம் : கெட்டியான க்ரீம்களை கொண்டு மசாஜ் செய்யபடும் ஃபேஷியலை தேர்ந்தெடுங்கள். இத்தகைய க்ரீம்கள் சருமத்தின் ஆழத்தில் ஊடுருவி, அதற்கு ஈரத்தன்மையை அளிக்கும் என டாக்டர் போஸ் கூறுகிறார்.

ஃபேஷியல் யாரால் செய்யப்படுகின்றது :

ஃபேஷியலில் நன்கு பயிற்சி பெற்ற வல்லுநர்களை கொண்டு தான் செய்து கொள்ள வேண்டும் என்பது டாக்டர் போஸ் பொன்றோரின் கருத்தாகும். அவ்வாறு பயிற்சி பெற்றவர்களால் மட்டுமே முகத்தின் பதம் அறிந்து, சரியான முறையில், தொழில் பக்தியுடன் இப்பணியை செய்ய இயலும் . இவ்வாறு இல்லாமல் அன்னியர்களிடம் ஃபேஷியல் செய்து கொள்ளும் பட்சத்தில், அழுத்தத்தின் வேறுபாட்டால் முகத்தில் மேலும் சுருக்கங்கள் தோன்றும் வாய்ப்புகள் உள்ளன.

அங்கீகரிக்கப்பட்ட அழகியல் வல்லுநர்கள் மட்டுமே சரும பாதுகாப்பில் த்குந்த பயிற்சி பெற்றிருப்பார்கள்.ஆகையால் அவர்களிடம் மட்டுமே, ஈடுபாட்டுடன், தொழில் நேர்த்தியும் காணப்படும்.

கவனத்தில் கொள்ளவேண்டியவைகள் :

1) உங்கள் மீது பயன்படுத்தபடும் உட்பொருள்களை அறிந்துகொள்ளுங்கள்.

2) ஏதேனும் பொருளினால் உங்களுக்கு "அலர்ஜி" உண்டா என தெரிந்துகொள்ளுங்கள். அவ்வாறு "அலர்ஜி" இருப்பின், முதலில் சிறிய பகுதியில் மட்டும் அப்பொருளை பயன்படுத்தி ஊர்ஜிதப்படுத்திகொள்ளுங்கள்.

3) இயற்கை பொருள்களை உங்கள் நிபுணர் பயன்படுத்தினால், அவைகள் வாடாத புதியவைகளாகவும், ஃப்ரெஷ்ஷானவைகளாகவும் உள்ளதா என் உறுதிபடுத்திகொள்ளுங்கள்.

4) முகத்தில் காணப்படும் பருக்களை கிள்ளி எடுக்காதீர்கள், அவ்வாறு செய்தால், முகத்தில் நிரந்தர வடுக்கள் உருவாக வாய்ப்புள்ளது.

5) நீங்கள் செல்லும் அழகு நிலையம் எந்த வித பிணிகளுக்கும் இடம் தராமல் சுத்தமாக பராமரிக்கபடுகிறதா என சோதித்துகொள்ளுங்கள்.

ஃபேஷியல் செய்துகொள்ள ஆகும் செலவினங்கள் :

சிறிய நகரங்களில் அடிப்படை ஃபேஷியல் செய்துகொள்ள ரூபாய் 1300 வரை ஆகும். இதுவே பெருநகரங்களில் சற்று கூடுதலாக காணப்படும். ஃபேஷியல் வல்லுநர்கள்களிடம் சென்றாலோ, ஹோட்டல் மற்றும் ரிசார்ட்டுகளிலோ கட்டணம் அதிகரிக்கும். மாஸ்க் மற்றும் சீரம்களை பயன்படுத்துகையில் இக்கட்டணம் மேலும் அதிகம் ஆகலாம்.

எவ்வப்போது ஃபேஷியல் செய்துகொள்ளலாம் :

இது தனிநபரை பொருத்து மாறும் விஷயமாகும். நம் சரும அணுக்கள் மாதத்திற்கு ஒரு முறை புதுப்பிக்கபடுவதால், மாதம் ஒரு முறை ஃபேஷியல் செய்துகொள்வது சிறந்ததாகும் .குறைந்தபட்சம் வருடத்திற்கு 4 முறை பருவ மாற்றதிற்கேற்ப்ப ஃபேஷியல் செய்துகொள்வது நன்று. பருக்கள் தோன்ற தொடங்கும் நேரத்திலேயே அடிக்கடி ஃபேஷியல் செய்து கொள்வது சருமத்தை சீராக வைத்துகொள்ள உதவும்.