குறள் # 9

குறள் # 9

பிரிவு :அறத்துப்பால் / துறவறவியல்

அதிகாரம் : 296 / வாய்மை

 

பொய்யாமை யன்ன புகழில்லை; எய்யாமை

எல்லா அறமுந் தரும்.

தெளிவுரை

ஒருவனுக்கு பொய் இல்லாமல் வாழ்தலை விடப் புகழ் நிலை வேறொன்றும் இல்லை, அஃது அவன் அறியாமலேயே அவனுக்கு எல்லா அறமும் கொடுக்கும்.

 

ஆங்கிலத்தில்

 

There is no praise like the praise of never uttering a falsehood: without causing any suffering, it will lead to every virtue.

 

 

 

 

 

 

குறள் # 8 - நட்பாராய்தல்

குறள் # 8

பிரிவு : பொருட்பால் / நட்பியல் 

அதிகாரம் : 80 / நட்பாராய்தல்

திருக்குறள் எண் : 791

நாடாது நட்டலின் கேடுஇல்லை; நட்டபின் 
வீடுஇல்லை நட்புஆள் பவர்க்கு.   

தெளிவுரை :

நட்பை விரும்பி மேற்கொள்பவருக்கு, ஒருவரோடு நட்பு செய்த பிறகு அவரை விடுதல் இயலாது. ஆதலால் ஆராயாமல் நட்புச் செய்வதைப் போல் கேடு தருவது வேறு இல்லை.

ஆங்கிலத்தில் :

As those who are of a friendly nature will not forsake (a friend) after once loving (him), there is no evil so great as contracting a friendship without due inquiry.

குறள் # 7 - அடக்கம் உடைமை

குறள் # 7

பிரிவு : அறத்துப்பால் / இல்லறவியல் 

அதிகாரம் : 13 / அடக்கம் உடைமை 

திருக்குறள் எண் : 124

நிலையில் திரியாது அடங்கியான் தோற்றம் 

மலையினும் மாணப் பெரிது 

தெளிவுரை :

எத்தகைய சூழ்நிலையிலும் அறநெறியில் இருந்து மாறுபடாமல் அடக்கம் உடையவனாய் வாழ்பவனது உயர்வு, மலையின் உயர்வை விட மேலானது.

ஆங்கிலத்தில் :

More lofty than a mountain will be the greatness of that man who without swerving from his domestic state, controls himself.

குறள் # 6 - கல்லாமை

குறள் # 6

பிரிவு : பொருட்பால் / அரசியல்

அதிகாரம் : 41 / கல்லாமை

திருக்குறள் எண் : 408

நல்லார்கண் பட்ட வறுமையின் இன்னாதே ;

கல்லார்கண் பட்ட திரு.

தெளிவுரை :

கற்றவரிடம் உள்ள வறுமையை காட்டிலும் கல்லாதவரிடம் உள்ள செல்வம் மிகவும் துன்பம் தருவதாகும்.

ஆங்கிலத்தில் :

Wealth, gained by the unlearned, will give more sorrow than the poverty which may come upon the learned.

குறள் # 5 - ஊக்கம் உடைமை

பிரிவு : பொருட்பால் / அரசியல்

அதிகாரம் : 60 / ஊக்கம் உடைமை

குறள் எண் 596

குறள் # 5

உள்ளுவது எல்லாம் உயர்வுள்ளல்; மற்றது

தள்ளினும் தள்ளாமை நீர்த்து.

தெளிவுரை :

ஒருவர் தாம் செய்யக்கருதும் எதனையும் உயர்ந்ததாகவே நினைக்க வேண்டும்.அதை முடிக்க முடியாவிட்டாலும் உயர்வாக எண்ணுவதை விட்டு விடக்கூடாது.

ஆங்கிலத்தில் :

Whate'er you ponder, let your aim be loftly still,

Fate cannot hinder always, thwart you as it will.

இந்த குறளும் திரு அப்துல் கலாம் அவர்களுக்கு மிகவும் பிடித்ததில் ஒன்று. இதை பகிர்வதில் பெருமை கொள்கிறேன்.

குறள் #4 - இடுக்கண் அழியாமை

பிரிவு : பொருட்பால் / அரசியல் 

அதிகாரம் : 63 / இடுக்கண் அழியாமை  

குறள் எண் 623

குறள் #4 :

இடும்பைக்கு இடும்பை படுப்பார் இடும்பைக்கு 

இடும்பை படாஅ தவர்.

தெளிவுரை :

துன்பம் வந்த போது அதற்காக வருந்தி கலங்காதவர் அத்துன்பதிற்கு துன்பம் உண்டாக்கி அதை வென்று விடுவர். 

ஆங்கிலத்தில் :

They give sorrow to sorrow, who in sorrow, do not suffer sorrow !

இந்த குறள், திரு அப்துல் கலாம் அவர்களுக்கு மிகவும் பிடித்த ஒன்றாகும்.

குறள் #3 - இன்னா செய்யாமை

பிரிவு : அறத்துப்பால் / துறவறவியல்

அதிகாரம் : 32 / இன்னா செய்யாமை 

குறள் எண் 316

குறள் #3 :

இன்னா எனத்தான் உணர்ந்தவை துன்னாமை 

வேண்டும் பிறன்கண் செயல்.

தெளிவுரை :

துன்பம் தருபவை இவை என ஒருவன் தான் உணர்ந்த செயல்களை மற்றவனிடத்தில் செய்யாமல் தவிர்க்க வேண்டும்.

குறள் #2 வாய்மை

பிரிவு : அறத்துப்பால் / துறவறவியல்

அதிகாரம் : 30 / வாய்மை 

குறள் எண் 293

குறள் #2 :

தன்நெஞ்சு அறிவது பொய்யற்க; பொய்த்தபின் 

தன்நெஞ்சே தன்னைச் சுடும் 

தெளிவுரை :

ஒருவன் தன் மனம் அறிந்த ஒன்றை பிறர் அறியார் என மறைத்து பொய் கூறுதல் கூடாது. அங்ஙனம் பொய் கூறுவானாயின் அவன் மனமே அக்குற்றத்திற்கு சாட்சியாய் இருந்து அவனை வருத்தும்.