கொண்டை கடலை கறி

கொண்டை கடலை கறி

கருப்பு கொண்டை கடலை, அவரை குடும்பத்தை சேர்ந்தது. மிகவும் தொன்மை வாய்ந்த பயிரான இது சுமார் 7500 ஆண்டுகளுக்கு முன்பு சில மத்திய கிழக்கு நாடுகளில் பயிரிடப்பட்டது. இன்றும் பாரம்பரிய சமையல்களில் இடம் வகிக்கும் இது, புரதச் சத்து நிறைந்தது. ஊட்டச்சத்துக்களான இரும்பு, துத்தநாகம், பாஸ்பரஸ் ஆகியவற்றுடன் நார்சத்தும் நிரம்பி இருக்கும் கொண்டை கடலையின் மிக முக்கியமான ஆற்றல் என்ன தெரியுமா ?  நம் ரத்தக் குழாய்களில் உறைந்திருக்கும் தேவை இல்லாத கொழுப்பை கறைப்பது தான். வாரம் ஒரு முறையேனும்  இதை உண்ண வேண்டும் என்று மருத்துவர்கள் பரிந்துறைக்கிறார்கள்.

வாருங்கள் நண்பர்களே, கொண்டை கடலை கறி எவ்வாறு செய்வது என்று கற்றுக் கொள்வோம்.

தேவையான பொருள்கள் :

கருப்பு கொண்டை கடலை - 1 கப்

சமையல் எண்ணெய் - 1/4 கப்

துருவிய தேங்காய் - 1/4 கப்

கெட்டி தேங்காய் பால் - 1/4 கப்

இஞ்சி - 1 இன்ச் நீள துண்டு, பொடியாக அரிந்தது

பூண்டு - 5 பல், உறித்தது

காய்ந்த மிளகாய் - 3 

காய்ந்த மல்லி - 1/2 தேக்கரண்டி

மஞ்சள் தூள் - 1/4 தேக்கரண்டி

மிளகாய் தூள் - 1/2 தேக்கரண்டி

மல்லி தூள் - 1/2 தேக்கரண்டி

கரம் மசாலா தூள் - 1/2 தேக்கரண்டி

சின்ன வெங்காயம் - 10 

லவங்கம் - 3 

பட்டை - 1 இன்ச் துண்டு

ஏலக்காய் - 2 

கறிவேப்பிலை - 2 கொத்து

கொத்தமல்லி தழை - அலங்கரிக்க

உப்பு - சுவைக்கேற்ப

செய்முறை :

1) கடலையை முதல் நால் இரவே ஊற போட வேண்டும். குறைந்த பட்சம் 8 மணி நேரமாவது ஊற வேண்டும். 

2) மறுநாள் காலை குக்கரில் கடலையை உப்பு சேர்த்து வேக வைக்க வேண்டும். 5 விசில் வந்த பின்பு தணலை குறைத்து மேலும் 2 விசில் (அல்லது) 10 நிமிடம் சமைக்க வேண்டும்.

3) ஒரு வாணலியில் 2 தேக்கரண்டி எண்ணெயை சுட வைத்து, உரித்த பூண்டு, காய்ந்த மல்லி, காய்ந்த மிளகாய் மற்றும் 5 சின்ன வெங்காயம் தாளிக்க வேண்டும்.

4) பொன்னிறமானதும் தேங்காய் துருவல் சேர்த்து கிளறி, ஒரு கொத்து கறிவேப்பிலையை கிள்ளி போட்டு அடுப்பை அணைக்க வேண்டும்.

5) அதில், மஞ்சள் தூள், மிளகாய் தூள், மல்லி தூள், கரம் மசாலா தூள் சேர்த்து சூட்டிலேயே நன்கு கிளறி ஆற விட வேண்டும். ஆறியதும், பசை போல் அரைத்து கொள்ள வேண்டும்.

6) இந்த பசையை குக்கரில் உள்ள வெந்த கடலையுடன் உப்பு சேர்த்து பச்சை வாசனை போகும் வரை வேக விடவும்.

7) பின்னர் தேங்காய் பால் சேர்த்து கெட்டியாக திரண்டு வரும் வரை சமைக்கவும்.

8) தாளித்தல் : ஒரு வாணலியில் எண்ணெய் ஊற்றி சூடானவுடன், லவங்கம், பட்டை, ஏலக்காய், பொடியாக அரிந்த 5 சின்ன வெங்காயம், பொடியாக நறுக்கிய இஞ்சி, 1 கொத்து கறிவேப்பிலை ஆகியவற்றை தாளித்து கறியில் ஊற்றி சுருளக் கிளறி இறக்கவேண்டும்.

9) கொத்தமல்லி இலை தூவி அலங்கரித்து சூடான சாதம் அல்லது ரொட்டியுடன் பரிமாறவும்.

10) விருப்பப் பட்டால் , மேலும் சுவை கூட்ட எலுமிச்சையை பிழிந்து பொடியாக நறுக்கிய வெங்காயம் தூவி பரிமாறலாம்.  

மோர் குழம்பு

மோர் குழம்பு

மோர் குழம்பு பல விதங்களில் தயாரிக்கலாம். ஆனால் இங்கு கொடுக்கப்பட்டுள்ள முறை எளிதானதாக மட்டும் இல்லாமல் சுவையாகவும் அமையும் என கூறலாம். மோர் குழம்பு பொதுவாக காய்கறிகள் கொண்டு தான் செய்வார்கள். ஆனால் இங்கு பகிரப்பட்ட முறையில் புதுமையாக இதை போண்டா கொண்டு செய்வது எப்படி என நாம் அறிந்து கொள்ளலாம். இவ்வகையான மோர் குழம்பு வட இந்திய உணவு தயாரிப்புகளில் ஒன்றாகும்.

தேவையான பொருள்கள் :

புளித்த தயிர் - 2 கப் ; கடைந்தது

கடலை மாவு - 1-1/4 கப்

மஞ்சள் தூள் - 1 தேக்கரண்டி

சோடா உப்பு - 1 சிட்டிகை

பச்சை மிளகாய் - 6

இஞ்சி - 1 இன்ச் துண்டு

சின்ன வெங்காயம் - 10 (அ) பெரிய வெங்காயம் - 1

கடுகு - 1/2 தேக்கரண்டி

பெருங்காயம் - 1/4 தேக்கரண்டி

சமையல் எண்ணை - வறுக்க தேவையான அளவு

பூண்டு - 5 பல்

கறிவேப்பிலை - 2 கொத்து

கொத்தமல்லி - கை அளவு

உப்பு - தேவைக்கேற்ப

ஆயத்த செய்முறை :

ஒரு மிக்ஸியில் பச்சை மிளகாய், இஞ்சி, சின்ன வெங்காயம், ஆகியவற்றை கொரகொரப்பாக அரைத்துக்கொள்ளவும். மிகவும் மெலிதாக அரைக்க கூடாது. பச்சை மிளகாய் விதைகள் அதிகம் அரைந்து விட்டால் கசப்பு தன்மை கூடிவிடும். அதனால் கொரகொரப்பாக அரைக்கவும். இந்த குழம்பு செய்வதில் இது மிக முக்கியமான நுணுக்கமாகும்.

போண்டா செய்வதற்கு :

1. ஒரு பாத்திரத்தில் 1 கப் கடலை மாவு எடுத்து கொள்ளவும். அதனுடன் சோடா உப்பு,  இஞ்சி,  பச்சை மிளகாய் கலவையில் பாதி அளவு, 1 சிட்டிகை பெருங்காயம், உப்பு மற்றும் கொத்தமல்லியை சேர்க்கவும்.

2. சிறிதளவு நீர் உபயோகித்து கெட்டியான பஜ்ஜி மாவு பதத்திற்கு கலந்து கொள்ளவும்.

3. ஒரு தேக்கரண்டியால் அந்த மாவை எடுத்து உதிர்த்தால் ஒரு நெல்லிக்காய் அளவு போண்டாவாக வரும் வண்ணம் மாவின் பதம் இருத்தல் அவசியம்.

4. ஒரு வாணலியில் எண்ணையை காயவைத்து, நெல்லிக்காய் அளவு போண்டாக்களை இட்டு வறுத்து வடிகட்டவும்.

குழம்பு செய்ய :

1.  ஒரு பெரிய பாத்திரத்தில் கடைந்த தயிரை எடுத்துக்கொண்டு அதனுடன் 4 கப் தண்ணீர் சேர்க்கவும்.

2.  1/4 கப் கடலை மாவுடன் சிறிது தண்ணீர் சேர்த்து நன்கு மசிக்கப்பட்ட பசையாக ஆக்கி கொள்ளவும்.

3.  இதை ஏன் செய்கிறோம் என்றால், கடலை மாவை நேரடியாக நீரில் போட்டால் கட்டி தட்டும், அதற்காக தான் இந்த உத்தி.

4.  இந்த பசையை தயிர் கலவையுடன் நன்கு கலக்கவும்.

5.  இதனுடன் மிஞ்சியுள்ள இஞ்சி, பச்சை மிளகாய் கலவை, மஞ்சள் தூள், பெருங்காயம்,  உப்பு,  மற்றும் 1 கொத்து கறிவேப்பிலை சேர்க்கவும்.

6.  நடுதர தீயில் 10 நிமிடங்கள் கொதிக்க விடவும்.

7.  அடிக்கடி கிளறி விட்டால் நல்லது, ஏனென்றால் கடலை மாவு அடி பிடிக்கும் தன்மை உள்ளது.

8.  கடலை மாவு நன்கு கொதித்து பளபள என மேல் எழும்பும்போது, அடுப்பை அணைத்து கொத்தமல்லியை சேர்த்து மூடி விடவும்.

9.  கீழ்கண்ட முறையில் தாளிக்கவும்.

ஒரு வாணலியில் 4 தேக்கரண்டி எண்ணை ஊற்றி கடுகு தாளிக்கவும், பிறகு நறுக்கிய பூண்டு, கறிவேப்பிலை சேர்த்து அவை பொன் நிறமானதும் குழம்பில் ஊற்றவும்.

10.  இத்துடன், வறுத்த போண்டாக்களையும் குழம்பில் போட்டு, நன்கு கலந்து மூடி விடவும்.

11.  15 நிமிடங்கள் அவ்வாறு ஊறிய பின் பரிமாறவும்.

பாவைக்காய் காரக் குழம்பு

பாவைக்காய் காரக் குழம்பு

பாவைக்காயின் நலன்கள் பல, ஆனால் அவற்றுள் ஒரு குணம் நமக்கு மிகவும் நன்மை பயப்பதாகும். பாவைக்காய் நம் இரத்தத்தில் இருக்கும் சர்க்கரை அளவுகளை கட்டுப்பாட்டிற்குள் வைத்திருப்பதால், அதற்கு 'இயற்கை இன்சுலின் நிலையம்' என்ற பட்ட பெயரும் உண்டு. நீரிழிவு நோய் உள்ளவர்கள் மட்டுமல்லாது நாம் அனைவரும் பாவைக்காயை வாரம் ஒரு முறை நம் உணவில் சேர்த்து கொள்வது ஆரோக்கியமானதாகும். இதோ தங்களுக்காக ஒரு ருசியான பாவைக்காய் காரக் குழம்பு :

தேவையான பொருள்கள் :

பாவைக்காய் - 3

வெந்தயம் - 1/2 தேக்கரண்டி

தேங்காய் - 1 கப் ; துருவியது

சமையல் எண்ணெய் - 5 தேக்கரண்டி

கடுகு - 1/2 தேக்கரண்டி

பூண்டு - 7 பல் ; உரித்தது

சின்ன வெங்காயம் - 10 ; உரித்தது

தக்காளி - 1 ; சன்னமாக வெட்டியது

புளி - 1/2 எலுமிச்சை அளவு ; நன்கு கரைத்தது

மஞ்சள் தூள் - 1/4 தேக்கரண்டி

மிளகாய் தூள் - 1 தேக்கரண்டி

மல்லி தூள் - 1 தேக்கரண்டி

உப்பு - தேவையான அளவு

கறிவேப்பிலை - 2 கொத்து

கொத்தமல்லி தழை - அலங்கரிக்க

செய்முறை :

1)  பாவைக்காயை இரண்டாக பிளந்து, விதைகளை நீக்கி விட்டு, 1/2 இன்ச் தடிமனுக்கு பிறை வடிவத்தில் வெட்டிக் கொள்ளவும்

2)  புளியை சுடு நீரில் 15 நிமிடம் ஊறவைத்து நன்கு கரைத்துக் கொள்ளவும்

3)  வெந்தய விதைகளை சூடான கடாயில் வாசனை வரும்வரை வறுத்துக் கொண்டு, ஆறிய பின் துருவிய தேங்காய் சேர்த்து விழுதாக அரைக்கவும்

4)  ஒரு பாத்திரத்தில், எண்ணெயை சூடாக்கி கடுகை வெடிக்க வைக்கவும்

5)  கறிவேப்பிலை, பூண்டு மற்றும் சின்ன வெங்காயம் சேர்த்து வதக்கவும்.

6)  அவை சிவந்ததும், பாவைக்காய் மற்றும் நறுக்கிய தக்காளி சேர்த்து வதக்கவும்.

7)  தக்காளி நன்கு கலந்து திரண்டு வரும்வரை சமைக்கவும்.

8)  அதற்குள் ஒரு கிண்ணத்தில் புளி சாறு, தேங்காய் விழுது, மஞ்சள் தூள், மிளகாய் தூள், மல்லி தூள், உப்பு ஆகியவற்றை ஒன்றாக கலக்கவும்.

9)  இந்த கலவையை தாளித்தவைகளுடன் சேர்த்து, மூடி வைத்து சிறு தீயில் 15 நிமிடம் சமைக்கவும்.

10) குழம்பு நன்கு கொதித்ததும், கறிவேப்பிலை கொத்தமல்லி தழை தூவி பரிமாறவும்.

பச்சை பயறு கடையல்

பச்சை பயறு கடையல்

பச்சை பயறு கடையல், கொங்கு நாடு சமையலறையில் தோன்றிய அருமையான ஒரு குழம்பு வகையாகும். பச்சை பயறில் ஊட்டச்சத்து திறன் மிகுந்து காணப்படுவதால், குழந்தைகள் மற்றும் தாயாகும் பெண்களுக்கு சத்தான உணவாகும். சூடான சாதத்தில் கலந்து சுட்ட அப்பளத்துடன் ருசிக்கலாம்.

தேவையான பொருள்கள் :

பச்சை பயறு - 1 கப்

சின்ன வெங்காயம் - 10 ; உரித்தது

பெரிய வெங்காயம் - 1

தக்காளி - 1

பச்சை மிளகாய் - 2

காய்ந்த பட்டை மிளகாய் - 2

மஞ்சள் தூள் - ¼ தேக்கரண்டி

மிளகாய் தூள் - ½ தேக்கரண்டி

சமையல் எண்ணெய் – 4 தேக்கரண்டி

கடுகு – ¼ தேக்கரண்டி

சீரகம் – 1 தேக்கரண்டி

பூண்டு - 6 பல்

உப்பு - தேவைக்கேற்ப

கறிவேப்பிலை - 2 கொத்து

கொத்தமல்லி - கை அளவு

செய்முறை :

1) பச்சை பயறை 3 நிமிடங்கள் நடுத்தர தீயில் வாசனை வரும் வரை வறுக்கவும். நன்றாக கழுவி 4-5 மணி நேரம் ஊற வைக்கவும்.

2) குக்கரில் பச்சை பயறுடன் சின்ன வெங்காயம், மஞ்சள் தூள், மிளகாய் தூள், 1 கொத்து கறிவேப்பிலை சேர்த்து, 1 கப் நீர் ஊற்றி வேக விடவும்.

3) 3-5 விசில் (அ) பயறு ஒன்றும் பாதியுமாக குழையும் வரை சமைக்கவும்.

4) பச்சை மிளகாயை நீள வாக்கில் அரியவும். பெரிய வெங்காயம், தக்காளியை சன்னமாக அரியவும்.

5) ஒரு கடாயில் எண்ணெய் ஊற்றி சூடாக்கி கடுகை தாளிக்கவும்

6) அவை வெடித்ததும், அரிந்த வெங்காயம், பச்சை மிளகாய், காய்ந்த மிளகாய் சேர்த்து வதக்கவும்.

6) வெங்காயம் பொன்னிறம் ஆனதும் தக்காளி மற்றும் கறிவேப்பிலை சேர்த்து வதக்கவும்.

7) பின்னர், வெந்த பச்சை பயறை இதில் கலக்கவும். ½ கப் நீர் ஊற்றி உப்பு சேர்த்து 5 நிமிடம் சமைக்கவும் ( அதற்கு மேல் வேண்டாம் )

8) சீரகம் மற்றும் பூண்டை ஒன்றும் பாதியுமாக நசுக்கி கொண்டு, பயறு கலவையில் சேர்த்து நன்கு கலக்கவும்.

9) உடனே அடுப்பை அணைத்து விடவும் ஏனென்றால் பச்சை பூண்டு குழம்பிற்கு ஒரு நறுமணம் தருவதோடு சத்து மிக்கது கூட.

10) கொத்தமல்லி தூவி அலங்கரித்து சூடான சாதத்துடன் பரிமாறவும்.